ᠮᠣᠩᠭᠤᠯ ᠵᠢᠷᠤᠭᠠᠴᠢ ᠳᠡᠯᠡᠬᠡᠶ ᠶᠢᠨ ᠨᠢᠳᠦ ᠶᠢ ᠪᠦᠯᠲᠡᠶᠢᠯᠭᠡᠯᠡ
ᠲᠠ ᠪᠦᠬᠦᠨ ᠳᠦ ᠡᠨᠡᠬᠦ ᠭᠠᠶᠢᠬᠠᠯᠲᠠᠶ ᠮᠡᠳᠡᠭᠡ ᠶᠢ ᠳᠤᠭᠤᠯᠭᠠᠬᠤ ᠰᠠᠨ ᠭᠡᠬᠦ ᠡᠴᠡ ᠨᠣᠶᠢᠷ ᠬᠦᠷᠭᠦ ᠦᠭᠡᠶ᠂ ᠶᠠᠭ ᠣᠳᠤ ᠰᠥᠨᠢ ᠶᠢᠨ 3᠄35AM ᠴᠠᠭ ᠲᠤ ᠡᠭᠦᠨ ᠢ ᠰᠡᠳᠬᠢᠯ ᠳᠣᠭᠳᠤᠯᠤᠨ ᠪᠢᠴᠢᠵᠦ ᠰᠠᠭᠤᠨᠠ⁉ ᠮᠣᠩᠭᠤᠯ ᠤᠯᠤᠰ ᠤᠨ ᠢᠷᠭᠡᠨ
ᠴᠣᠶᠢᠮᠪᠠᠯ ᠤᠨ ᠭᠠᠩᠪᠠᠭᠠᠲᠤᠷ ᠠᠮᠧᠷᠢᠻᠠ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠤᠨ ᠨᠧᠸᠠᠳᠠ ᠮᠤᠵᠢ ᠶᠢᠨ ᠷᠧᠨᠣ ᠬᠣᠲᠠ ᠳᠤ 2014 ᠣᠨ ᠤ 11 ᠳᠦᠭᠡᠷ ᠰᠠᠷᠠ ᠶᠢᠨ 16-21 ᠦ ᠬᠣᠭᠤᠷᠤᠨᠳᠤ 5 ᠬᠣᠨᠤᠭ ᠪᠣᠯᠵᠤ ᠥᠨᠳᠦᠷᠯᠡᠭᠰᠡᠨ ᠣᠯᠠᠨ ᠤᠯᠤᠰ ᠤᠨ ᠱᠣᠭ ᠵᠢᠷᠤᠭᠠᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ (ISCA – International Society of Caricature Artists) ᠦᠨ ᠴᠢᠭᠤᠯᠭᠠᠨ ᠳᠤ ᠣᠷᠤᠯᠴᠠᠨ᠂ ᠳᠡᠯᠡᠬᠡᠶ ᠶᠢᠨ ᠥᠨᠴᠦᠭ ᠪᠤᠯᠤᠩ ᠪᠦᠷᠢ ᠡᠴᠡ ᠢᠷᠡᠵᠦ ᠣᠷᠤᠯᠴᠠᠭᠰᠠᠨ 250-᠊ᠭᠠᠳ ᠵᠢᠷᠤᠭᠠᠴᠢᠳ ᠠᠴᠠ ᠠᠪᠢᠶᠠᠰ ᠪᠢᠯᠢᠭ ᠢᠶᠡᠷ ᠢᠶᠡᠨ ᠣᠨᠴᠤᠭᠤᠶᠢᠷᠠᠨ᠄
- 1. ᠣᠨ ᠤ ᠰᠢᠯᠢᠳᠡᠭ ᠱᠣᠭ ᠵᠢᠷᠤᠭᠠᠴᠢ IV ᠪᠠᠶᠢᠷᠢ
Caricaturist of the Year 4th Place
- 2. ᠭᠠᠶᠢᠬᠠᠯᠲᠠᠶ ᠬᠡᠲᠦᠷᠡᠭᠦᠯᠭᠡ ᠲᠡᠶ ᠬᠡᠪ ᠮᠠᠶᠢᠭ
Outstanding Exaggerated Style
- 3. ᠭᠠᠶᠢᠬᠠᠯᠲᠠᠶ ᠥᠩᠭᠡᠨ ᠦ ᠭᠦᠶᠢᠴᠡᠳᠬᠡᠯ
Outstanding Color Technique
- 4. ᠢᠰᠮᠠᠧᠯ ᠷᠣᠯᠳᠠᠨ ᠤ ᠨᠡᠷᠡᠮᠵᠢᠲᠦ 《ᠰᠢᠨᠡ ᠴᠡᠷᠢᠭ》 ᠱᠠᠩᠨᠠᠯ
The Ismael Roldan Award – Rookie of the Year
- 5. ᠰᠧᠪᠠᠰᠲ᠋ᠢᠶᠠᠨ ᠻᠷᠦᠭᠧᠷ ᠦᠨ ᠨᠡᠷᠡᠮᠵᠢᠲᠦ ᠬᠦᠨᠳᠦᠲᠦ ᠵᠣᠴᠢᠨ ᠤ ᠱᠠᠩᠨᠠᠯ
Guest of Honor The Sebastian Kruger Award
ᠵᠡᠷᠭᠡ ᠶᠢ ᠬᠦᠷᠲᠡᠨ᠂ ᠨᠡᠶᠢᠲᠡ ᠣᠷᠤᠯᠴᠠᠭᠴᠢᠳ ᠠᠴᠠ ᠬᠠᠮᠤᠭ ᠤᠨ ᠣᠯᠠᠨ ᠪᠤᠶᠤ ᠲᠠᠪᠤ ᠶᠢᠨ ᠲᠠᠪᠤᠨ ᠱᠠᠩᠨᠠᠯ ᠤᠨ ᠡᠵᠡᠨ ᠪᠣᠯᠵᠤ᠂ ᠮᠣᠩᠭᠤᠯ ᠤᠯᠤᠰ ᠤᠨ ᠢᠶᠠᠨ ᠨᠡᠷᠡ ᠶᠢ ᠥᠨᠳᠦᠷ ᠲᠦ ᠡᠷᠭᠦᠨ᠂ ᠮᠣᠩᠭᠤᠯ ᠵᠢᠷᠤᠭᠠᠴᠢ ᠶᠢᠨ ᠠᠪᠢᠶᠠᠰ ᠪᠢᠯᠢᠭ ᠢ ᠳᠡᠯᠡᠬᠡᠶ ᠳᠦ ᠭᠠᠶᠢᠬᠠᠭᠤᠯᠤᠯᠠ᠃
ᠵᠢᠷᠤᠭᠠᠴᠢ ᠴᠣᠶᠢᠮᠪᠠᠯ ᠤᠨ ᠭᠠᠩᠪᠠᠭᠠᠲᠤᠷ
1967 ᠣᠨ ᠳᠤ ᠳᠣᠷᠤᠨᠠᠳᠤ ᠠᠶᠢᠮᠠᠭ ᠲᠤ ᠲᠥᠷᠦᠭᠰᠡᠨ᠃ ᠰᠦᠬᠡᠪᠠᠭᠠᠲᠤᠷ ᠠᠶᠢᠮᠠᠭ ᠤᠨ ᠳᠠᠷᠢᠭᠠᠩᠭᠠ ᠨᠤᠲᠤᠭ ᠤᠨ ᠤᠤᠭᠠᠯ᠃ 1987 ᠣᠨ ᠳᠤ ᠳᠦᠷᠰᠦᠯᠡᠬᠦ ᠤᠷᠠᠯᠢᠭ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ 2012 ᠣᠨ ᠳᠤ ᠰᠣᠶᠤᠯ ᠤᠷᠠᠯᠢᠭ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢ ᠲᠤᠰ ᠲᠤᠰ ᠲᠡᠭᠦᠰᠦᠭᠰᠡᠨ ᠮᠡᠷᠭᠡᠵᠢᠯ ᠦᠨ ᠵᠢᠷᠤᠭᠠᠴᠢ ᠲᠡᠷᠡ ᠪᠡᠷ ᠤᠰᠤᠨ ᠪᠤᠳᠤᠭ ᠢᠶᠠᠷ ᠳᠠᠩᠨᠠᠨ ᠠᠵᠢᠯᠯᠠᠵᠡᠶ᠃
ᠵᠢᠷᠤᠭᠠᠴᠢ ᠮᠠᠨᠢ ᠭᠡᠷ ᠪᠦᠯᠢ ᠶᠢᠨ ᠢᠶᠡᠨ ᠬᠠᠮᠲᠤ ᠪᠠᠷ ᠠᠮᠧᠷᠢᠻᠠ ᠶᠢᠨ ᠬᠣᠲᠠ ᠨᠤᠭᠤᠳ ᠢᠶᠠᠷ ᠠᠶᠠᠯᠠᠩᠭᠠ ᠢᠷᠡᠬᠦ 12 ᠳᠤᠭᠠᠷ ᠰᠠᠷᠠ ᠳᠤ ᠳᠧᠨᠸᠧᠷ ᠬᠣᠲᠠᠨᠠ ᠵᠢᠷᠤᠭᠠᠴᠢ ᠴᠣᠭ ᠮᠢᠵᠢᠳ ᠲᠡᠶ ᠬᠠᠮᠲᠤᠷᠠᠭᠰᠠᠨ᠂ ᠢᠷᠡᠬᠦ ᠣᠨ ᠤ 3 ᠳᠤᠭᠠᠷ ᠰᠠᠷᠠ ᠳᠤ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠦᠵᠡᠰᠬᠦᠯᠡᠩ ᠢᠶᠡᠨ ᠭᠠᠷᠭᠠᠬᠤ ᠪᠠᠷ ᠲᠥᠯᠦᠪᠯᠡᠵᠦ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠴᠠᠭᠠᠰᠢᠳᠠ ᠪᠠᠨ ᠣᠯᠠᠨ ᠠᠪᠢᠶᠠᠰᠯᠢᠭ ᠵᠢᠷᠤᠭᠠᠴᠢᠳ ᠡᠨᠡ ᠲᠣᠮᠤ ᠠᠷᠭᠠ ᠬᠡᠮᠵᠢᠶᠡᠨ ᠳᠦ ᠣᠷᠤᠯᠴᠠᠵᠤ᠂ ᠮᠣᠩᠭᠤᠯ ᠵᠢᠷᠤᠭᠠᠴᠢ ᠶᠢᠨ ᠴᠢᠳᠠᠯ ᠢ ᠭᠠᠶᠢᠬᠠᠭᠤᠯᠬᠤ ᠪᠣᠯᠲᠤᠭᠠᠶ⁉
ᠭᠠᠩᠪᠠᠭᠠᠲᠤᠷ ᠠᠬᠠ ᠳᠠᠭᠠᠨ ᠤᠷᠠᠨ ᠪᠦᠲᠦᠭᠡᠯ ᠳᠦᠨᠢ ᠤᠯᠠᠮ ᠥᠨᠳᠦᠷ ᠠᠮᠵᠢᠯᠲᠠ ᠬᠦᠰᠡᠵᠦ᠂ ᠢᠷᠡᠬᠦ ᠵᠢᠯ 《ᠠᠯᠲᠠᠨ ᠬᠠᠪᠠᠷ》 ᠪᠤᠶᠤ 《Golden Nosey》 ᠱᠠᠩᠨᠠᠯ ᠤᠨ ᠡᠵᠡᠨ ᠪᠣᠯᠤᠭᠠᠷᠠᠶ ᠭᠡᠵᠦ ᠢᠷᠦᠭᠡᠶᠡ⁉
ᠰᠢᠭᠤᠷᠬᠠᠶ ᠮᠡᠳᠡᠭᠡ ᠪᠡᠯᠡᠳᠬᠡᠭᠰᠡᠨ᠄
ᠯᠤ᠊᠂ ᠮᠥᠩᠬᠡᠲᠥ᠋ᠷᠦ
ᠴᠢᠻᠠᠭᠣ᠋ 2014-11-22
No comments:
Post a Comment